Foydalanish shartlari

Oxirgi yangilanish: 2026-11-07 (qoralama). Xizmat egasi: Sidikov Hamidillo.

1. Biz kimmiz

Nawbat — mijoz bilan biznes (sartaroshxona, go'zallik saloni, klinika va h.k.) o'rtasida navbat band qilishga yordam beradigan vositachi dasturiy platforma. Xizmatdan foydalansangiz, shu shartlarga rozi bo'lgan bo'lasiz.

2. Xizmatni ko'rsatuvchi — biznes

Soch olish, davolash, go'zallik va boshqa xizmatni Nawbat emas, siz navbat olgan biznes o'zi ko'rsatadi. Xizmat sifati, narxi, litsenziya va ruxsatnomalari, mijoz bilan hisob-kitob uchun shu biznes javob beradi. Nawbat xizmat sifatiga kafil bo'lmaydi. Iste'molchi sifatidagi huquqlaringiz (nuqsonli xizmat uchun talab qilish va h.k.) biznesga nisbatan o'z kuchida qoladi.

3. Navbat qanday ishlaydi

Ism va telefon raqamingizni kiritib, bo'sh vaqtni tanlaysiz. Hisob ochish shart emas. Bir telefon raqamidan bir vaqtda ko'pi bilan 3 ta faol navbat olish mumkin. Navbat kodi va tasdiq sizga ko'rsatiladi; Telegram orqali band qilgan bo'lsangiz, tasdiq va eslatma shu chatga keladi. Ma'lumotni to'g'ri kiriting: noto'g'ri raqam/ism sababli biznes siz bilan bog'lana olmasa, Nawbat javobgar emas.

4. Eslatma va tasdiq

Biznes yoqqan bo'lsa, tashrifdan oldin eslatma (Telegram orqali) yuboriladi. Telegram eslatmasida navbatni tasdiqlashingiz so'ralishi mumkin: tasdiqlamasangiz va biznes belgilagan muddat tugasa, navbat avtomatik bo'shatilishi mumkin — shunda vaqt boshqa mijozga ochiladi. Eslatma 22:00–07:00 oralig'ida yuborilmaydi. Xabar yetib borishiga (tarmoq, Telegram, operator) to'liq kafolat berolmaymiz.

5. Bekor qilish

Navbatni tasdiq sahifasi orqali (telefon raqamingizning oxirgi 4 raqami bilan) yoki Telegramdagi tugma orqali bekor qilishingiz mumkin. Iloji bo'lsa, vaqtni oldindan bo'shating. Biznes ham navbatni bekor qilishi mumkin — bu haqda sizga xabar yuboriladi.

6. Kelmaslik

Navbatga kelmasangiz, biznes buni «kelmadi» deb belgilashi mumkin. Kelmaganlik uchun jarima, depozitni ushlab qolish yoki cheklov qo'llash — faqat shu biznesning o'z qoidasi bo'lib, u sizga navbat olishdan oldin ko'rsatilgan bo'lishi va qonunga zid bo'lmasligi kerak. Nawbat jarima undirmaydi.

7. To'lov

Onlayn to'lov yoqilgan bo'lsa, to'lov biznesning o'z UzQR kodi orqali amalga oshadi: pul to'g'ridan-to'g'ri biznes hisobiga tushadi, karta ma'lumotlari Nawbat serveriga kelmaydi va Nawbat pul o'tkazmasida qatnashmaydi. Pulni oluvchi va qaytarishga javobgar tomon — biznes (va bank qoidalari). To'lov kutilayotgan navbat vaqtni cheklangan muddat band qilib turadi; to'lanmasa avtomatik bekor bo'ladi. Qaytarish shartlari biznes bilan kelishiladi; Nawbat pulni o'zi qaytarib berishni va'da qilmaydi.

8. Biznes egalari uchun

Siz kiritgan ma'lumot (nom, manzil, narx, xizmat, rasm) to'g'riligi va huquqiy tozaligi uchun o'zingiz javobgarsiz. Faoliyatingiz uchun zarur litsenziya/ruxsatnomalar sizda bo'lishi shart; xizmatingiz haqidagi ma'lumot aldamchi bo'lmasligi kerak. Mijozlar ma'lumotini (ism, telefon) faqat navbatni bajarish uchun ishlating — boshqa maqsadda, masalan ruxsatsiz reklama yuborish uchun emas. Hisob parolini sir saqlang; hisobingiz orqali qilingan harakatlar uchun javobgar siz.

9. Biznes hodimini ulash (Telegram)

Hodim o'z Telegram hisobini biznes egasi bergan taklif havolasi orqali ulaydi. Ulanishda hodimning Telegram ID raqami saqlanadi va unga o'zining navbatlari haqida xabar yuboriladi. Biznes egasi hodimni istalgan vaqtda ajratishi mumkin. Hodimning ulanishga roziligini olish va uni ogohlantirish — biznes egasining mas'uliyati.

10. Taqiqlangan foydalanish

Taqiqlanadi: soxta yoki boshqa odamning ma'lumoti bilan navbat olish; ommaviy/avtomat tarzda navbat band qilish (bot, skript) yoki sahifani ommaviy yig'ib olish (scraping); xizmatni buzishga, himoyani aylanib o'tishga urinish; qonunga yoki axloqqa zid, aldamchi yoki boshqalarga zarar yetkazuvchi kontent joylash; xizmatni ruxsatsiz nusxalash yoki boshqa saytga ramkalab (iframe) qo'yish. Buzgan hisob cheklanishi yoki o'chirilishi mumkin.

11. Mualliflik huquqi

Xizmatning dizayni, kodi, logotipi, «Nawbat» nomi va matnlari mualliflik huquqi bilan himoyalangan (sahifa pastidagi to'liq eslatmaga qarang). Huquq egasining yozma roziligisiz ulardan foydalanish taqiqlanadi.

12. Javobgarlik chegarasi

Xizmat «mavjud holda» taqdim etiladi; uzluksiz ishlashiga kafolat berilmaydi (texnik ishlar, uzilishlar bo'lishi mumkin). Nawbat biznes va mijoz o'rtasidagi xizmat sifati, narx yoki kelishuv bo'yicha nizolarga tomon emas. Qonun bilan cheklab bo'lmaydigan huquqlaringiz (jumladan iste'molchi huquqlari) bu band bilan kamaytirilmaydi.

13. O'zgartirish tartibi

Shartlar o'zgarsa, yangi tahrir shu sahifada yangi sana bilan e'lon qilinadi. Muhim o'zgarishlar haqida biznes egalariga hisob orqali xabar beramiz. O'zgarishdan keyin xizmatdan foydalanishda davom etsangiz, yangi tahrirga rozi bo'lgan hisoblanasiz; rozi bo'lmasangiz, foydalanishni to'xtating (biznes egasi hisobini o'zi o'chirishi mumkin).

14. Nizo va aloqa

Savol yoki shikoyat bo'lsa, avval email, telefon — to'ldiriladi ga yozing — kelishuvga intilamiz. Kelishilmasa, nizo O'zbekiston Respublikasi qonunchiligi bo'yicha tegishli sud — advokat bilan aniqlang — to'ldiriladi sudida ko'riladi.

Mualliflik huquqi haqida to'liq eslatma

Nawbat xizmatining (sayt, Telegram ilova va bot, Android/iOS ilovalari) dizayni, dasturiy kodi (manba va obyekt kodi), ma'lumotlar bazasi tuzilmasi, logotipi, «Nawbat» nomi va barcha matnlari mualliflik huquqi bilan himoyalangan va Sidikov Hamidillo yuridik shakl, STIR — to'ldiriladi mulki hisoblanadi. Huquq egasining yozma roziligisiz ularni to'liq yoki qisman nusxalash, o'zgartirish, tarqatish, sotish, ijaraga berish, boshqa mahsulotga kiritish, kodni ochishga (dekompilyatsiya) urinish yoki ular asosida o'xshash xizmat yaratish taqiqlanadi. Biznes (sartaroshxona, salon, klinika va boshqalar) sahifasiga joylangan o'z nomi, rasmlari, narxlari, xizmat tavsiflari va logotipi uchun shu biznesning o'zi javob beradi: u bu materiallarga huquqi borligini va ular uchinchi shaxs huquqlarini, shuningdek amaldagi qonunlarni (jumladan reklama qoidalarini) buzmasligini kafolatlaydi. Mualliflik huquqi buzilgani haqida xabar berish uchun: email — to'ldiriladi.